සිත මුමුනන..................

සිත මුමුනන කවිය අසන්නට
හද නලවන තනුව වයන්නට
සිලි සිලියේ දොඩමළු වන්නට
ආදරියේ එනුමැන මා වෙත........

මලක් වෙලා පිපුනෙන් අතු අග
නෙලාගන්න අත දිග ඈතක
සුවඳ සිඳී යා නොදී කිසි දිනෙක
සදා රකිමි හදවතට තුරුළු කර......

පිපුනත් තරු මල් නෙක ලෙස යායට
එකම සඳකි සිඳළුවේ අඳුරු කුස
ඒ සඳ සිසිලේ මැවුව සිහින රැස
තුරුළු කරන් සඳ සාවිය එනු මැන......

හිතුමතේ කුරුටු ගෑ ජීවන ගීතය
ආදරයේ තනුවෙන් තව ඔපකර
හඬගා ගයන්න ලොවටම ඇසෙන්න
එනුමැන මා හා දිවි ඇති තුරාම.........

ජීවිතේ නව මගක...................

මුලින්ම පෙර පාසලේ. ඊට පස්සෙ ප්‍රාථමික අධ්‍යාපනය මාතර ඕල්කට් ආදර්ශ විදුහලෙන්. ශිෂ්‍යත්ව කඩුල්ලෙන් පස්සෙ මාතර සාන්ත තෝමස් කුමර විදුහලට. සා. පෙළ, උ.පෙළ කඩුළු පැනගෙන අන්තිමට නැවතුනේ කැළණි විශ්ව විද්‍යාලයේ භොතීය විද්‍යා අංශයේ. පොඩි කාලෙ ඉඳන්ම ආසාව තිබුනෙ ඉලෙක්ට්‍රොණික් වලට. බැටරි, වයර් කෑලි අරගෙන එක එක දේවල් හදන එක ඒකාලෙ ඉඳන්ම කලා. (ඒකනේ ගෙදර තිබුනු හුඟක් විදුලි උපකරණ වීසිකරන්න සිද්ධවුනේ) ඕ ලෙවල් කරන කාලෙ තමා පරිගණකයට හිත යන්නෙ.

වාසනාවකට කැම්පස් එකේදි මේ කැමතිම විශයන් දෙකම ඉගෙනගන්න අවස්ථාව ලැබුන. මේ කාලෙදිමයි ස්වාධින වෙබ් අඩවි නිර්මාණකරුවෙක් විදියට වැඩ පටන්ගන්නෙ. කැම්පස් ඉන්න කාලෙ ඇතුලත පරිගණකයත් එක්ක ගොඩක් දුර යන්න පුළුවන් උනා. ඒ කාලෙ යාළුවො කියන්නෙ පසන ලැප් එකත් එක්ක ගොඩ ගිහින් කියල. දැන් නම් එහෙම කියන්න බෑනෙ ;)

මේ අවුරුද්දෙ නොවැම්බර් 9 න් කැම්පස් ජීවිතෙත් අවසන්. ශිෂ්‍යයෙක් විදියට ගතකරපු ජීවිතය ඒ විදියට ගෙවිල යද්දි වෘත්තීය ජීවිතේ අරඹන්න ඔනනේ. 

ලංකාවෙ දැවැන්ත මෘදුකාංග සංවර්ධන ආයතනයනට සම්බන්ධ වෙන්න මට අවස්ථාව ලැබුන. නොවැම්බර් 18 ඉඳන් එතන වැඩ. මට පැවරිලා තියෙන්නෙ Windows Phone 7 වැඩසටහන් කීපයක් නිර්මාණය කරන්න. 

දැන් ඉතින් ජීවිතය ගෙවෙන්නෙ ඒව එක්ක.............